Posts

Ka Lawm E Lalpa

Kan khum bul thingrem chhung a whisky um khat ka dah chu lakchhuah pah chuan ka no hman thiam Rial no ngei mai chu ka ban pah nghal a. Ka thli a, tui ka pawlh a ka tlak pawp a chutiang chuan a zawn zat in vawi li lai ka ti ta a. Ka ngaihtuahna chu a kal ding ngut ngut a, mahse ka enghelh em em hran lo. Sunday tlai a ni a, ka nupui chuan rawng a bawl a, ka fate erawh TV en in an hmanhlel thung a. Kei Pa ber erawh Room lamah ka in tui tuah mek a. Ka Phone a ri a, ka kekawr ipte atanga phawrh pah chuan ka en zuai a, Whatsapp ah chuan ka mi hriat chian em em mai chuan “Bawih, 2nite chu aw” tih zawng hi a rawn type a, ka reply lo, mahse ka chiang. Zanriah kan eikham a, ka inbual a, ka insiam a. Perfume ka in kap a, ka jacket ka hak pah chuan kan khum sir a ka bike chabi ka khai chu ka ban nghal a. Ka chhuah pah chuan ka nupui TV lo en bulah chuan “Ka thianpa damlo a, damdawiin ah ka va kan ve ange” tih pah chuan ka chhuak nghal a, a chhanna ka nghak hman tawh lo. Thudik hrilh turin hu

26.11.2017

Vawiin Chawlhni chawhma chu Kan Kohhran in Rawngbawltu kan ruai a, tin, camp chhuak te an awm nen Sunday School pangngai nei lo in Camping Follow up programme kan nei a, kan chhungin kan chhim ve nghe nghe a. Zai a nuam a, lam pawh an tam, naupang leh puitling thleng in. Tin, Praise On 2017 ah kan veng in pakhatna dinhmun kan hauh nangin, TV lamah chauh ka lo en thin a, vawiin inkhawm a “Ro min Relsak ang che” tih an han sa live ngei maia han ngaihthlak chu an bon zia leh pakhatna nih an phu zia ka hmuchhuak ani. Lam kan tam thei a, hla pawh kan la nawn ngun a, mahse lam ve lo tan chuan ke a kham duh phian. Vawiin kan inkhawm chu kan naupan lai Lang Camp kan luh lai ka hrechhuak uai uai mai. Inrinni ah an han ti ngei ah Lang Camp kha, blackboard ah te ziak ve in Adama atangin min han tan pui ve a, an sawi tha hi kan han ti thei khawpah. Tehkhin thu a an sawi uar em em thin chu   “Nu pakhat in a fa nausen an in kang hluah2 atangin a chhanchhuak a, a hmai te a kang chhe vek a.

NGAIHTUAHNA VAKVEL

       Kilkhata dawhkan ruak la awm chu ka pan a, ka țhu a. Ngawireng chung chuan whisky nokhat chu ka tlak pawp a, ka sir a ka țhiante ho lam chu ka en liam mai mai a. Ka ngaihtuahna a kal thui angreng khawp mai. Ka ngaihtuah mai mai a kumin hi kan inhriat ațangin kum khatna lek ala ni. Nikum December 24 zan kha chuan kan inkhawm bang kan inzui haw anih kha,a vawt iti a, kan inkuah a, in in verandah thim laiah a vawikhatna atan ka fawp che a nih kha, tunah chuan hei ka țhuthmun ațangin ka țhiante ka thlir vel ta mai mai anih hi. Khami zan ka chetchhiat zia kha, i u țhiante ho an rawn kal a ar puah tura min tih kha ila hria em? Ka la puah thiamlo zui. Mahse khami zan ațang khan ka thiam ve ta. Min nuih nasat zia te kha ila hria ang chu tiro, min nuih pah a i u te hmuh loh laia i mit min rawn siai țhin te kha ka mitthla in ka la hmu reng mai. Ka in ngaihtuah thui dawn tlat, hei ka thianpa ka bulah a rawn țhu a min rawn thlit belh leh, pawi ka tilo, ngaihtuah vak che hi ka duh tawh lo an

ZALENNA

A lu a kun a, a thlan a far a, A hmai a hup a, a lung a chhia a, Ka pan hnaia ka en chiang a, A hmel ah chuan, Beidawnna ka hmu a. Khua a tlaia, hlimna a vai a, Hlimna a tawng a, tahna in a zui a, Hmangaihtu a duh a, hnuaichhiah a tawk a, A taksa ah chuan, Lungngaihna ka hmu a. Kum a vei a, ka hmu leh ta, Ka mittui ka sum zo lo leh ta, Beiseina khawvel  beidawngin a kal san ta, Ka pan hnai a, a thlan ah chuan, Zalenna ka hmu a.

KUT HLEI THILTIH

Ka bula sana chek ri kauh kauh chu ka en a zinglam dar 2:30 chiah alo ni tawh a. Ka mitt hip nen, chawlh lak hlek pah in tiin ka cigarette leh kuhva hring chu ka phawrh a, kuhva ka eia cigarette chu ka han zu vang vang a, tukverh chu ka hawng a thlasik boruak in min tuam ve ta bawka boruak a vawt ve ta var mai. Thildang daihin ka ngaihtuahna a la peng a, mi te chuan chawlh hahdam hun tiin chu zan ah chuan anmahni khum nuam tak chungah tui takin an muhil anga, thenkhatin sual rawngbawlnana remchang la in anlo hmanhlel bawk anga tih te ka ngaihtuah neuh neuh lai chuan kan verandah thim chin ah chuan thil phe zeuh ka hmu a, thil phe zeuh han ti ila mihring kal hi niin ka hria. Ka kawrlum ka ha a, ka chhuak vat a kawngka bula ka pu tiang tun chu ka hum a ka chhuak ta a. Kawmchar lamah thawm a awm avangin ka veh phei ta a, muangchanga ka phei chu lung ka chhuih a ka tlu chiang ngei mai. Chutah ka hawichhuak chiah chu ka lu chu a rawn ri chawrh a engmah ka hre ta lo. Ka h

Kan uite

Fahrah tak a lo piang in a nu leh apa te pawh a hriatchian hma a kan hnena lo awm hi ani a. A tir ah chuan min nel lo in ka bul hnaia awm te hi a inthlahrung ni hian ka hre ṭhin. Vawikhat ka bazar haw lam hian in nel deuh nan leh in pawh tlan deuh nan tiin ka neih chhun chhun in kan in ho tur Bawnghnute ka leisak a, in ka thlen chuan ka bulah ko in “Hei chhungkhat kan ni a, mihrang kan awm lo a, tlangnel taka kan bula I khawsak hi kan duh ber chu a ni a, hetia inthlahrung dek a I awm reng chuan kan tan leh I tan pawh a nuam lo ang”tih pah chuan a bawnghnute in ve tur chu a hma ah chuan ka han pe a. Ka thil hmuh chuan min ti hrilhhai hle mai, ka hmuh lai ngei chuan bawnghnute chu a chhir bua anih chu. Chumi ṭum chuan kei tak ngial pawh ka insum zo lo, kut te pawh ka thlak hial. Ani pawh chu a inthiamlo deuh ani ang, tlaiah chaw eitur a ka koh pawh in alo kal duh lo a, a room ah a tawm ta tlat a. Mi thi lo na na na chu hun alo liam a thla hnih khat an liam chuan mi te pawh a ne

Lui kal

Image
Kan chhungkua in Chhiahtlang ah Kumthar hmang tura kan chhoh hnu in Kum 2012 ni tawp ni ber Dt.31.12.2012 khan Mat lui ah ṭhianpa Awmpuia lungrem tuamin kan kal a. Hemi lungrem kan tih hi an tih dan tak a chu, lui suar lai deuh ah hian lei tlem haih khuar deuh in chumi chungah chuan lung an rem hnan ta ṭhin a, hlam khat leh a chanve bial velhin emaw rem in chumi an rem chu kar hnih thum te an rial a, chutia an rial hnu chuan sangha ten tawm nan lo hmang in chumi hnu ah len a khuh in zawi zawiin len hnuai lam ami lung chu la chhuak in sangha man nan ber an hmang ṭhin a ni. Thlasik lai anih avangin tui pawh rin aiin ala vawt khawp mai, mahse ṭhiante nen  hi chuan thil tih reng reng hi a lo nuam ṭhin khawp mai.   Rin ai daihin kan man tam ve reuh a, lui kal nuam ka tih chhan ber chu hetia chhun a ramhnuaia sangha tharlam chhum ei hi a ni. A tui hang pawh a tui kher mai.  A tawp nan ka phone aṭanga ka shot ve ngei  hi kan bel kai ve ange