Hlimlai ni
Vawiin chu college kan kal laia ka ṭhianpa ka kawm ngeih ve em em nen kan inhmu hlauh mai a. Chaw eikhawm te kan rawt nial nual a. Chutia min kalsan hnu chuan ka in ngaihtuah a, college kan kal lai te kha a lo ngaihawm hle mai. Kan ṭhianho lah kha vei zawng leh ngaihtuah zawng in ang lo ṭhah kan ni hlawm a. Simon-a te ho an KṬP em em laiin Boih Boih-a te ho lah nula ringawt ngaihtuah in an buai a. A ṭhen in Steve Vai a leh Yingwie Malmsteen a kut ran zia leh an guitar solo pui theih zia kan sawi laiin Ms-a (Khawlailung) ten Mission Vengthlang nula Mawipuii hmelṭhat zia ringawt te an lo sawi thul. Keini kha history honours la tih tak ah kan han history mai mai khawpah, vawikha chu tuna CYMA hruaitu ni ta Lalbiakzuala (Sir Mabiaka) te ho nen Reiek a zokhua kan va tlawh te pawh kha a tam zawk chu kan vawikhat kal na te ala ni hlawm a, ṭhenkhat chuan Reiek ho hian an luah tawh nange te kan ti velh mawle. Vawikhat leh chu ṭhianpa Ms-a hian selection exam neih lai hian kan inah ngei min r