26.11.2017


Vawiin Chawlhni chawhma chu Kan Kohhran in Rawngbawltu kan ruai a, tin, camp chhuak te an awm nen Sunday School pangngai nei lo in Camping Follow up programme kan nei a, kan chhungin kan chhim ve nghe nghe a. Zai a nuam a, lam pawh an tam, naupang leh puitling thleng in. Tin, Praise On 2017 ah kan veng in pakhatna dinhmun kan hauh nangin, TV lamah chauh ka lo en thin a, vawiin inkhawm a “Ro min Relsak ang che” tih an han sa live ngei maia han ngaihthlak chu an bon zia leh pakhatna nih an phu zia ka hmuchhuak ani.

Lam kan tam thei a, hla pawh kan la nawn ngun a, mahse lam ve lo tan chuan ke a kham duh phian. Vawiin kan inkhawm chu kan naupan lai Lang Camp kan luh lai ka hrechhuak uai uai mai.

Inrinni ah an han ti ngei ah Lang Camp kha, blackboard ah te ziak ve in Adama atangin min han tan pui ve a, an sawi tha hi kan han ti thei khawpah. Tehkhin thu a an sawi uar em em thin chu  “Nu pakhat in a fa nausen an in kang hluah2 atangin a chhanchhuak a, a hmai te a kang chhe vek a. Hun alo kal zel a a fanu chuan a nu chu a zahpui a” tih angreng te kha a  ni. Tichuan tlai lamah chuan kan lo inhlan pumhlum ve thei ta thak mai a. Rawngbawltu kan rawih te, kan speaker te kha kan han hmu eng phet phet phawt mai a. Pathian alo kal mai dawn ni a ngaiin kan rilru te te chu “Anni hi zui ve ila, rawngbawl in chhuak ve ila” te kha kan han ti a. Zan alo ni, dar hmasa rik hma in Biak In kan han thleng a, “Thisen Hlu Thisen Hlu” an sak veleh kan thiante leh midang lam an tam ta maw tih ah kan bula mi te chu “Nang first rawh” kan tia, an han “FIRST” ta ngei a, keinin phur tawkin kan zui,,, chutah lamtual kan thleng, Counsellor te chheih dan ang ngei mai chuan kan han chheih phei ve thin kha nia. Chutah Speaker ngei mai chu Pulpit ah a rawn ding, kan han en chho, a Lu zawn te kha Isua lem an ziah ang deuh hian kan hmu eng phet phet thin. Chuan, keini kha piangthar kan nih tawh avang khan kan han in la COOL deuh ngei zel bawkah. Mahse, kan rawngbawltu te haw hnu karkhat hnu vel bak kha chu Lam kan tam tawh ngai loh avangin keini naupang ho kha chu kan lam ta vak ngailo ni khan ka hria.

Comments

Post a Comment

Popular posts from this blog

Buhseng Ramriah

Kum 2009 kum tawp lam kha nita in ka hria, Chhiahtlang ah kan u te ho nen buhseng dawn hnaih hian ram kan riak a, kha mi ṭum kha tun thleng hian ka la theihnghilh leh thei lo. Kar tir ah riak lut turin kan insiam a, iptepuiah buhfai leh hnathawh kawr puar tawk a ak in kan chhuak ta a. A hmun kan thlen chuan Tuikum   lui luang dul dul bul mai ah hian Pâwl buk hi an lo sa a , tah chuan kan in vawm lut   ta a. Buh hmun tak chu a chhak tlângah a awm avangin hnathawh kawr te kan inbel zawh chuan hnathawk turin kan han chhuak ta a. Nilengin thlan tla khawpin kan han thawk a. tlai ah, thlasik khaw lunglenthlak tak hnuaiah luiah kan han in bual a, chumi zawh ah, kan u in a kar hmasa lam a alo ngaihtuah lawk diam, eng damdawi dang mah pawlh loh a zu bilh chu eirawngbawl pah in kan han thlawr ta ṭhin a, a nawm dan a danglam thei ṭhin khawp mai. Ka u hian vau ah hian eng thang thang emaw hi a kam ṭeuh mai a, vawikhat chu “Nang, sakuh thang ka kam khi lo han en rawh”a tit a mai a. Phu
Read more

Lui kal

Image
Kan chhungkua in Chhiahtlang ah Kumthar hmang tura kan chhoh hnu in Kum 2012 ni tawp ni ber Dt.31.12.2012 khan Mat lui ah ṭhianpa Awmpuia lungrem tuamin kan kal a. Hemi lungrem kan tih hi an tih dan tak a chu, lui suar lai deuh ah hian lei tlem haih khuar deuh in chumi chungah chuan lung an rem hnan ta ṭhin a, hlam khat leh a chanve bial velhin emaw rem in chumi an rem chu kar hnih thum te an rial a, chutia an rial hnu chuan sangha ten tawm nan lo hmang in chumi hnu ah len a khuh in zawi zawiin len hnuai lam ami lung chu la chhuak in sangha man nan ber an hmang ṭhin a ni. Thlasik lai anih avangin tui pawh rin aiin ala vawt khawp mai, mahse ṭhiante nen  hi chuan thil tih reng reng hi a lo nuam ṭhin khawp mai.   Rin ai daihin kan man tam ve reuh a, lui kal nuam ka tih chhan ber chu hetia chhun a ramhnuaia sangha tharlam chhum ei hi a ni. A tui hang pawh a tui kher mai.  A tawp nan ka phone aṭanga ka shot ve ngei  hi kan bel kai ve ange
Read more