PAST

Krismas leh kumthar kut a zo a, khua chu a ala vawt kher mai. Ka tihtur hre lo chuan TV te en pah in facebook ah ka online velh mai mai a. Chutihlai chuan ka phone message tone chu a rawn ri a ka han en chuan a number chu ka hriat hnu chu a ni ngei mai, mahse ka hrechhuak zo tawh lo, ti hian a rawn ti a 'I dam ṭhin maw? Kan hunlai a ngaihawm hle mai'tih ringawt hian. Ka chhiar zo chuan reply pawh tum lem lo chuan thil dang ka tihsan leh ta a, mahse, ka ngaihtuah chhuak ta. He number hi ka hria ani.

A rei ve leh ta hle mai, a tir chuan fiamthu in message te kan in thawn a, thu ho tak tak kan sawi ṭhin. Tichuan alo rei deuh a kan inbiak dan pawh a dang deuh ta. A hnu ah chuan thil alo danglam ta. Ka tana chhun nawmna ber chu tlai lama a school bang lo nghah kha ka tihtur anih vang ani. A school bang ka lo nghak a, thlah pah in dawrah eng engemaw lei in kan tei khawmuang ṭhin. Khatih lai kha chuan ngaihtuah a tawi in keimahni tawk khan kan hlim em em ṭhin. A thusawi ka la hriat reng chu "Hetia kan awmdun lai hian khawvel hi tawp daih se tiraw" a tih kha ani. Kei aiin a kum 5 velin a naupang a mahse kei ai chuan a lo ngaihtuah thui daih zawk mai. Chuan hun alo kal a, ani pawh chuan phaiah a zirna a zawm ta a. A kal dawn chuan kan lung a leng dun hle, "Ka rawn haw hunah min lo hmuak ngei ngei ang che' tiin min thlah ta a. Min rawn be khat telh telh a, ka rilru ah chuan a awm reng mai. Zan khat nilai zan ka inkhawm chuan kohhran member pakhat kohhran in an phuar tur thu an rawn puang ta, a hming an puan chuan ka thin a ṭhawng ta zawk mai, Amah ngei kha ani. A chanchin ka hriat leh dan chuan phaia a lehkha zirpui lakah fa a pai alo ni a. Ka rilru beidawng chuan Zu te ka in phah ta a. Hun a kal zel a a fa neihna pa nen chuan an innei ta. Tichuan a message pawh chu ka reply ta a "Hmangaihna hian hunlai alo nei ṭhin ani maw?" tiin.