Nun hi

Mihring a kan lo pian chhuah hian kan bul ṭanna chu mittui ani. Kan lo ṭhanglian zel a kan ṭhatlai hun te hi hlim takin hmang ve ṭhin mah ila kan tawpna pawh mittui bawkin ani kan hman ṭhin ni. He nun hian eng thil nge min zirtir a tum ang le tih hi ka ngaihtuah ṭhin. Kan naupan laiin ṭhiante kawm in, nu leh pa thlazar hnuaiah hlim takin engmah ngaihtuah leh vei ren run nei lova kan awm lai te kha chuan kan tan nun hi a hlu a, ni thar lo chhuak hi a mawi ṭhin ngawt in ka hria. Ka ngaihtuah ṭhin ber chu he kan nun hman hi enge anih tih hi ani. Zingah ni alo chhuak a chaw kan tho a, chaw kan ei a, hna kan thawk a rim takin, zanah hahchawl in kan mu leh ṭhin, hetiang hian nitin hun kan hmang a, chu chu enge kan tan hlutna awm ni ang le, kan tawp na chu leihnuai ah tho ani. Mi zawng zawng te kan nun hman dan leh kan dinhmun chu a inthlau hlawm hle, ṭhenkhat ten an ei khawp aia tam an neih laiin ṭhenkhat erawh a tuk zinga chhum tur ngaihtuah chawp ngai te an ni, mahse he hringnun hian min hruaina chu a in ang vek tho, kan tawpna pawh. He kan hman mek nun hi eng ang a nuam pawh in hmang ṭhin mah ila kan tawpna chu mi te hmuh theih lohna tur leihnuai tho ani. He mihring nun hian hlutna alo va nei tlem tak em.


Comments

  1. Anonymous28 February 2012 at 01:42

    A tawi fiah tha khawp mai. Nun hi kei paw'n ka chhut nasa thin a nia. Ka thlirna tlang leh i thlirna tlang pawh a thuhmun a ang khawp mai.

    ReplyDelete
  2. caribou28 February 2012 at 09:52

    Ziak tha dup dup hle mai.

    ReplyDelete
  3. Anonymous28 February 2012 at 20:43

    Ka rliru a awm ang ka ziakchhuak thiam lo hi a buaithlak ani

    ReplyDelete

Post a Comment

Popular posts from this blog

Buhseng Ramriah

Kum 2009 kum tawp lam kha nita in ka hria, Chhiahtlang ah kan u te ho nen buhseng dawn hnaih hian ram kan riak a, kha mi ṭum kha tun thleng hian ka la theihnghilh leh thei lo. Kar tir ah riak lut turin kan insiam a, iptepuiah buhfai leh hnathawh kawr puar tawk a ak in kan chhuak ta a. A hmun kan thlen chuan Tuikum   lui luang dul dul bul mai ah hian Pâwl buk hi an lo sa a , tah chuan kan in vawm lut   ta a. Buh hmun tak chu a chhak tlângah a awm avangin hnathawh kawr te kan inbel zawh chuan hnathawk turin kan han chhuak ta a. Nilengin thlan tla khawpin kan han thawk a. tlai ah, thlasik khaw lunglenthlak tak hnuaiah luiah kan han in bual a, chumi zawh ah, kan u in a kar hmasa lam a alo ngaihtuah lawk diam, eng damdawi dang mah pawlh loh a zu bilh chu eirawngbawl pah in kan han thlawr ta ṭhin a, a nawm dan a danglam thei ṭhin khawp mai. Ka u hian vau ah hian eng thang thang emaw hi a kam ṭeuh mai a, vawikhat chu “Nang, sakuh thang ka kam khi lo han en rawh”a tit a mai a. Phu
Read more

Lui kal

Image
Kan chhungkua in Chhiahtlang ah Kumthar hmang tura kan chhoh hnu in Kum 2012 ni tawp ni ber Dt.31.12.2012 khan Mat lui ah ṭhianpa Awmpuia lungrem tuamin kan kal a. Hemi lungrem kan tih hi an tih dan tak a chu, lui suar lai deuh ah hian lei tlem haih khuar deuh in chumi chungah chuan lung an rem hnan ta ṭhin a, hlam khat leh a chanve bial velhin emaw rem in chumi an rem chu kar hnih thum te an rial a, chutia an rial hnu chuan sangha ten tawm nan lo hmang in chumi hnu ah len a khuh in zawi zawiin len hnuai lam ami lung chu la chhuak in sangha man nan ber an hmang ṭhin a ni. Thlasik lai anih avangin tui pawh rin aiin ala vawt khawp mai, mahse ṭhiante nen  hi chuan thil tih reng reng hi a lo nuam ṭhin khawp mai.   Rin ai daihin kan man tam ve reuh a, lui kal nuam ka tih chhan ber chu hetia chhun a ramhnuaia sangha tharlam chhum ei hi a ni. A tui hang pawh a tui kher mai.  A tawp nan ka phone aṭanga ka shot ve ngei  hi kan bel kai ve ange
Read more

26.11.2017

Vawiin Chawlhni chawhma chu Kan Kohhran in Rawngbawltu kan ruai a, tin, camp chhuak te an awm nen Sunday School pangngai nei lo in Camping Follow up programme kan nei a, kan chhungin kan chhim ve nghe nghe a. Zai a nuam a, lam pawh an tam, naupang leh puitling thleng in. Tin, Praise On 2017 ah kan veng in pakhatna dinhmun kan hauh nangin, TV lamah chauh ka lo en thin a, vawiin inkhawm a “Ro min Relsak ang che” tih an han sa live ngei maia han ngaihthlak chu an bon zia leh pakhatna nih an phu zia ka hmuchhuak ani. Lam kan tam thei a, hla pawh kan la nawn ngun a, mahse lam ve lo tan chuan ke a kham duh phian. Vawiin kan inkhawm chu kan naupan lai Lang Camp kan luh lai ka hrechhuak uai uai mai. Inrinni ah an han ti ngei ah Lang Camp kha, blackboard ah te ziak ve in Adama atangin min han tan pui ve a, an sawi tha hi kan han ti thei khawpah. Tehkhin thu a an sawi uar em em thin chu   “Nu pakhat in a fa nausen an in kang hluah2 atangin a chhanchhuak a, a hmai te a kang chhe vek a.
Read more