KEIMAH A SIDE A LEH B



SIDE-A

Keimah a Side-A lampang hi chu a ṭha lam niin ka hria. Mi khawngaihna ka ngah hi ka nun ah chuan a ṭha ka tih ve pawl tak ani. Tin, mi rilru tihnat, mi duh loh ang zawnga awm te hi ka thil hreh ber pawl a ni. Ka chhungte, ka ṭhiante lung ti awilo zawnga ka awm pawh hian ka rilru hi a hrehawm hma thei hle ṭhin. A hun lain han pawr viau ṭhin mah ila keimah ah hian inchhirna a awm hma thei hle ṭhin. Ṭhiante hi ka ngaina a, ṭhiante nena han in hmuhkhawm te hi ka thil nuam tih zawng tak ani. Tin, mi hi ka ngaipawimawh hma a, thil ti tura min tih hian tihsak hram hram ka duh ṭhin. Tin, ka hnathawhna kawngah pawh hian put e lawmzawng anga awm hram hram hi ka duh ṭhin. Side-A ( a ṭha lam) sawi tur hi keimah ah chuan ka nei tlem hle.

SIDE-B
Side-B na lam hi chu a pui khawp mai. Kei hi zu in ve zeuh zeuh ching hi ka ni a. Zu ka in tawh hi chuan ka harhfim laia ka duhloh tawp thil tih hi ka nei leh ṭhin, ka harhfim hnu hian ka inchhir leh thei hle. Tin, ka ruih tawh hi chuan khawiah pawh a chhuah pui tura sawm hi ka awlsam thei hle, ka ‘Yes’thei deuh reng. Tin, chhungte, ṭhiante nena han in hauh chang a na deuh taka min ṭawngkhum te hi thinrim tawhloh hnu ah hian theihnghilh ve mai awm ṭhin hi ka hre reng ṭhin hi keimah ah chuan ka duhloh tawp thil a ni. Ka thil thlir dan ah pawh hian a ṭha lo zawnga thil thlir hi ka ching hle. Vawikhat phei chu kan naute hi damlo vak mai a, zan khua in rilru hah takin ka in ngaihtuah a, ‘han thi ta se’tih te hi mu theilo ṭhak khawpin ka ngaihtuah ṭhin. Inkhawm hi ka peihlo ṭhin hle. Sunday chawhma hi a hma kha chuan ka ti ve hram ṭhin a, mahse nu leh pa upa loh a kan awm hran tak hnu phei hi chuan Sunday chawhma pawh hi ka ti ṭha peih ta thlawt lo hi chu kei mah pawh hi inseam ṭhat ka ngai tih chu ka hria. Ka Side-A lam sawi tur a tlem viau lai hian Side-B lam hi chu sawi tur ka ngah hle. Sawisen pawh a ni lo. Pakhat leh  keimah a awm ka duhloh em em thil chu ka tenchhe lutuk hi a ni. Chaw eina a ṭawp deuh hlek han eipui te hian ka eitui thei ngailo. He thil hi chu inseam ṭhat ka duh hle.

Comments

  1. Anonymous12 October 2012 at 15:09

    Lalrinkima hi mi fel tak, mi ho tak, mi zau tak, rui â tak a ni thinin ka hria. :D

    ReplyDelete
    Replies
    1. Anonymous12 October 2012 at 15:19

      Ha ha Lal TS leh, i sawi dik tep

      Delete
  2. caribou13 October 2012 at 21:25

    I side A hian i side B hi chu a hliah khuh hneh khawpin ka ring.

    ReplyDelete
  3. Anonymous17 October 2012 at 13:01

    Chu chu lawm Cari buaithlak ni

    ReplyDelete

Post a Comment

Popular posts from this blog

Buhseng Ramriah

Kum 2009 kum tawp lam kha nita in ka hria, Chhiahtlang ah kan u te ho nen buhseng dawn hnaih hian ram kan riak a, kha mi ṭum kha tun thleng hian ka la theihnghilh leh thei lo. Kar tir ah riak lut turin kan insiam a, iptepuiah buhfai leh hnathawh kawr puar tawk a ak in kan chhuak ta a. A hmun kan thlen chuan Tuikum   lui luang dul dul bul mai ah hian Pâwl buk hi an lo sa a , tah chuan kan in vawm lut   ta a. Buh hmun tak chu a chhak tlângah a awm avangin hnathawh kawr te kan inbel zawh chuan hnathawk turin kan han chhuak ta a. Nilengin thlan tla khawpin kan han thawk a. tlai ah, thlasik khaw lunglenthlak tak hnuaiah luiah kan han in bual a, chumi zawh ah, kan u in a kar hmasa lam a alo ngaihtuah lawk diam, eng damdawi dang mah pawlh loh a zu bilh chu eirawngbawl pah in kan han thlawr ta ṭhin a, a nawm dan a danglam thei ṭhin khawp mai. Ka u hian vau ah hian eng thang thang emaw hi a kam ṭeuh mai a, vawikhat chu “Nang, sakuh thang ka kam khi lo han en rawh”a tit a mai a. Phu
Read more

Lui kal

Image
Kan chhungkua in Chhiahtlang ah Kumthar hmang tura kan chhoh hnu in Kum 2012 ni tawp ni ber Dt.31.12.2012 khan Mat lui ah ṭhianpa Awmpuia lungrem tuamin kan kal a. Hemi lungrem kan tih hi an tih dan tak a chu, lui suar lai deuh ah hian lei tlem haih khuar deuh in chumi chungah chuan lung an rem hnan ta ṭhin a, hlam khat leh a chanve bial velhin emaw rem in chumi an rem chu kar hnih thum te an rial a, chutia an rial hnu chuan sangha ten tawm nan lo hmang in chumi hnu ah len a khuh in zawi zawiin len hnuai lam ami lung chu la chhuak in sangha man nan ber an hmang ṭhin a ni. Thlasik lai anih avangin tui pawh rin aiin ala vawt khawp mai, mahse ṭhiante nen  hi chuan thil tih reng reng hi a lo nuam ṭhin khawp mai.   Rin ai daihin kan man tam ve reuh a, lui kal nuam ka tih chhan ber chu hetia chhun a ramhnuaia sangha tharlam chhum ei hi a ni. A tui hang pawh a tui kher mai.  A tawp nan ka phone aṭanga ka shot ve ngei  hi kan bel kai ve ange
Read more

26.11.2017

Vawiin Chawlhni chawhma chu Kan Kohhran in Rawngbawltu kan ruai a, tin, camp chhuak te an awm nen Sunday School pangngai nei lo in Camping Follow up programme kan nei a, kan chhungin kan chhim ve nghe nghe a. Zai a nuam a, lam pawh an tam, naupang leh puitling thleng in. Tin, Praise On 2017 ah kan veng in pakhatna dinhmun kan hauh nangin, TV lamah chauh ka lo en thin a, vawiin inkhawm a “Ro min Relsak ang che” tih an han sa live ngei maia han ngaihthlak chu an bon zia leh pakhatna nih an phu zia ka hmuchhuak ani. Lam kan tam thei a, hla pawh kan la nawn ngun a, mahse lam ve lo tan chuan ke a kham duh phian. Vawiin kan inkhawm chu kan naupan lai Lang Camp kan luh lai ka hrechhuak uai uai mai. Inrinni ah an han ti ngei ah Lang Camp kha, blackboard ah te ziak ve in Adama atangin min han tan pui ve a, an sawi tha hi kan han ti thei khawpah. Tehkhin thu a an sawi uar em em thin chu   “Nu pakhat in a fa nausen an in kang hluah2 atangin a chhanchhuak a, a hmai te a kang chhe vek a.
Read more