NGAIHTUAHNA VAKVEL

       Kilkhata dawhkan ruak la awm chu ka pan a, ka țhu a. Ngawireng chung chuan whisky nokhat chu ka tlak pawp a, ka sir a ka țhiante ho lam chu ka en liam mai mai a. Ka ngaihtuahna a kal thui angreng khawp mai. Ka ngaihtuah mai mai a kumin hi kan inhriat ațangin kum khatna lek ala ni. Nikum December 24 zan kha chuan kan inkhawm bang kan inzui haw anih kha,a vawt iti a, kan inkuah a, in in verandah thim laiah a vawikhatna atan ka fawp che a nih kha, tunah chuan hei ka țhuthmun ațangin ka țhiante ka thlir vel ta mai mai anih hi. Khami zan ka chetchhiat zia kha, i u țhiante ho an rawn kal a ar puah tura min tih kha ila hria em? Ka la puah thiamlo zui. Mahse khami zan ațang khan ka thiam ve ta. Min nuih nasat zia te kha ila hria ang chu tiro, min nuih pah a i u te hmuh loh laia i mit min rawn siai țhin te kha ka mitthla in ka la hmu reng mai. Ka in ngaihtuah thui dawn tlat, hei ka thianpa ka bulah a rawn țhu a min rawn thlit belh leh, pawi ka tilo, ngaihtuah vak che hi ka duh tawh lo ani,, kumthar a zo a, ka zirna hmun a ka kir leh hnu kha, min be khat telh telh a, a tawp ah phei chuan i pasal neih tur thu min hrilh anih kha, ka rilru hrehawm zia kha. Tunah chuan nangchuan khami țum ngaihtuah miahlo khan i duhtak bulah chuan i awm anga, i hlim em em ang. Mahse, ka pian a hnulam ah khami kum kha ka hman nawm ber țum ani awm e. Enteh, zaninah hian ka țhiante inah mizo awm hovin kan hmanga, nuam an ti sin aw, kei chuan kum kalta ngaiin ti hian dawhkan ka kil ta mai mai chu ania, engtikah emaw chuan hun a ral anga, kum a ral anga, he hun hian ka nunah theihnghilh theihloh nun min pe ani tih hi theihnghilh hram ka tum tlat ani. Duhtak, krismas hman nuam le